02 3119 006 078 322 272 idealprevoz@yahoo.com

БОЖИЌНА МАГИЈА ВО СТРАЗБУР

АВИО

Програма

1
1 ДЕН | ПЕТОК, 27.11.2026 | ФРАЈБУРГ И БАЗЕЛ
    Лет со Wizz Air на релација Скопје – Базел, со поаѓање во 06:45 и пристигнување во 09:05 часот (локално време). По пристигнувањето, организиран трансфер и продолжување кон Фрајбург.
    Фрајбург – шармантниот германски град на работ од Шварцвалд, познат по величествената готска катедрала Münster и малите канали Bächle што се провлекуваат низ калдрмисаните улици. Дрвените куќички, светилките и мирисот на печени бадеми создаваат топла, романтична атмосфера. Прошетка низ стариот град и слободно време за уживање.
    Базел – елегантниот швајцарски град на Рајна, прочуен по својата уметност, историскиот Marktplatz и впечатливото црвено градско собрание. Во празничниот период неговите стари плоштади блескаат со украси и божиќни тезги, создавајќи вистинска зимска разгледница. Прошетка низ центарот. Во вечерните часови сместување во Holiday Inn Express & Suites Basel – Allschwil. Ноќевање.
2
2 ДЕН | САБОТА, 28.11.2026 | СТРАЗБУР
    После појадокот, тргнуваме за Стразбур – срцето на нашето патување и вистинската престолнина на божиќните пазари! Градот е прочуен по својот историски Christkindelsmärik, еден од најстарите божиќни пазари во Европа, раскошната катедрала Notre-Dame и романтичниот кварт Petite France со канали и дрвени куќи. Под илјадници светилки, меѓу мирисите на колачиња, цимет и празнични специјалитети, ќе ја почувствуваме магијата на Стразбур. Организирана прошетка и слободно време за пазарите и големата елка на Place Kléber.
    Враќање во хотелот во Базел. Ноќевање.
3
3 ДЕН | НЕДЕЛА, 29.11.2026 | КОЛМАРРИБОВИЛЕ И РИКВИР
    Појадок и одјавување од хотелот.
    Поаѓање кон Колмар – еден од најромантичните градови во Алзас, познат по пастелните фахверк куќи, цветните балкони и каналите во квартот „Мала Венеција“. Неговите тесни улички изгледаат како сцена од божиќна бајка, а празничните украси му даваат посебен шарм. Прошетка и слободно време за фотографии и уживање.
    Посета на Рибовиле (Ribeauvillé) – живописно алзашко гратче познато по лозјата, средновековните кули и замоците што се издигнуваат над него. Неговите шарени фасади и камени улички го чуваат духот на старите времиња и се совршена кулиса за романтична прошетка.
    Продолжуваме кон Риквир (Riquewihr) – бисер на Алзас и едно од најубаво зачуваните средновековни гратчиња во Франција, познато по винската традиција и раскошните фахверк куќи. Зад старите градски ѕидини се кријат живописни улички што изгледаат како да излегле од илустрирана бајка. Слободно време за прошетка и фотографии.
    Организиран трансфер до аеродромот во Базел. Повратен лет со Wizz Air Базел – Скопје во 20:45 часот, со пристигнување во 22:55 часот (локално време).

СМЕСТУВАЊЕ

Holiday Inn Express & Suites Basel – Allschwil, an IHG Hotel | 2 ноќевања со појадок.

ВО ПРОМО ЦЕНАТА ОД 449 € ПО ЛИЦЕ Е ВКЛУЧЕНО

·         Две ноќевања со појадок во наведениот хотел;

·         Повратен авионски билет со Wizz Air на релација Скопје – Базел – Скопје, со ранец до 8 кг;

·         Организиран копнен превоз и трансфери според програмата;

·         Организирани посети на Стразбур, Колмар, Фрајбург, Базел, Рибовиле и Риквир;

·         Придружник на групата и организација на патувањето.

ДОПОЛНИТЕЛНИ ИНФОРМАЦИИ

·         Авионски летови со Wizz Air: 27.11 Скопје 06:45 – Базел 09:05; 29.11 Базел 20:45 – Скопје 22:55. Вклучен ранец до 8 кг, согласно условите на авиокомпанијата.

·         Часовите на летовите се локални и подлежат на промени од авиокомпанијата.

·         Редоследот и времетраењето на посетите може да се приспособат на сообраќајните, временските и оперативните услови.